Ussländer
From Wikipedia, the free encyclopedia
Als Ussländer bezeichnet mer beschtimmti Persone und Personegruppe, wo sich nach de Eigeschafte vo dr Schtaatsaaghörigkeit, dr ethnische Zueghörigkeit, dr geographische Herkunft oder dr familiäre Abschtammig vo andere Iiwohner vomene Land, wo us dene ihrer Perspektive d Betrachtig erfolgt, underscheided.
Dä Artikel befasst sich mit em ethnische und schtaatsrechtliche Begriff "Ussländer". Dr Artikel zur gliichnamige Lyrikerin findet sich under Rose Ausländer. |
Dialäkt: Züridütsch |
D Definitione vo "Ussländer", wo im allgemeine Spraachgebruuch und i schpezifische Sachbereiche (z. B. nationals und internationals Recht, Bevölkerigsschtatistik) verwendet werde, sind nöd vollschtändig deckigsgliich und zum Teil au inkonsischtent. Au i Fachspraache handlets sich debii überwiegend um Kontextdefinitione (Gebruuchsdefinitione). Bsunders bi statistische Grössene isch daher di genaui Aagab vo dr jewiils verwendete Wortbedüütig unerlässlich.
In viile Schprache vo dr Welt hät das Wort "Ussländer" e negativi Konnotation, so z. B. Gaijin im Japanische oder Gweilo im Kantonesische.