El Llevantamientu de los bóxers (義和團之亂 o 義和團匪亂), conocíu en China como'l Llevantamientu Yihétuán» (chinu tradicional: 義和團起義, chinu simplificáu: 义和团起义, pinyin: Yìhétuán Qǐyì, ‘los puños enhiestos' o, lliteralmente: ‘los puños rectu y harmoniosu'), foi un movimientu, empecipiáu en payares de 1899 y rematáu el 7 de setiembre de 1901, surdíu en China contra la influencia forana nel comerciu, la política, la relixón y la teunoloxía de los últimos años del sieglu XIX. N'agostu de 1900, cerca de 230 estranxeros, miles de chinos cristianos, un númberu desconocíu (ente 50 000 y 100 000) de rebeldes, los sos simpatizantes y otros chinos morrieren na revuelta y la so represión.
| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |