Máquina cenciella
From Wikipedia, the free encyclopedia
Una máquina cenciella ye un dispositivu mecánicu que camuda la direición o la magnitú d'una fuercia.[2][3] Les máquines cencielles tamién pueden definise como los mecanismos más cenciellos qu'utilicen una ventaya mecánica (tamién llamada rellación de multiplicación) p'amontar una fuercia.[4] Polo xeneral, el términu refierse a les seyes máquines cencielles clásiques que fueron clasificaes y estudiaes polos científicos del Renacimientu:[5]
- Lleva
- Tornu
- Polea
- Planu inclináu
- Cuña
- Torniellu
Dende l'alborecer de la Revolución Industrial ata l'actualidá, la concepción teórica de les máquines evolucionó de forma bultable. Sicasí, el conceutu clásicu de máquina cenciella sigui calteniendo la so vixencia, tanto pola so significación histórica, como por ser un pervaloratible elementu didácticu abondo utilizáu na enseñanza de delles nociones básiques de la física.[6]