Marshalláætlunin
From Wikipedia, the free encyclopedia
Marshalláætlunin, einnig nefnd Marshallaðstoðin, var áætlun á eftirstríðsárunum (1948–53) sem bandaríska utanríkisráðuneytið skipulagði og átti að hjálpa löndum Vestur-Evrópu að reisa sig við á ný eftir eyðileggingu seinni heimstyrjaldarinnar, stuðla að efnahagslegum uppgangi og nútímavæðingu, auka samvinnu milli landanna, og að sporna gegn útbreiðslu kommúnismans og áhrifa Sovétríkjanna.
Áætlunin var nefnd í höfuðið á þáverandi utanríkisráðherra Bandaríkjanna George Marshall en aðalhöfundar hennar voru aðrir starfsmenn ráðuneytisins, og má þá sérstaklega nefna William L. Clayton og George F. Kennan.
Sextán lönd í Evrópu þáðu boð Bandaríkjamanna um að taka þátt í áætluninni þ.á m. Ísland. Íslendingar högnuðust mjög mikið á aðstoðinni, og mest miðað við höfðatölu. Aðstoðin gegndi lykilhlutverki í uppbyggingu landsins eftir stríðið.