గిగాబైట్
From Wikipedia, the free encyclopedia
గిగాబైట్ (Gigabyte, జిబి - GB) [1] అనేది డిజిటల్ సమాచారంలో యూనిట్ బైట్ యొక్క ఒక గుణిజం. ఈ పూర్వలగ్న గిగా అర్థం అంతర్జాతీయ ప్రమాణాల పద్ధతి (SI) లో 109, కాబట్టి ఒక గిగాబైట్ అనగా 1000000000బైట్లు. గిగాబైట్ ప్రమాణ చిహ్నం GB.
ఈ నిర్వచనం సైన్స్, ఇంజనీరింగ్, వ్యాపారం, కంప్యూటింగ్ యొక్క అనేక రంగాలలో ఉపయోగించబడుతుంది, ఈ ప్రమాణాన్ని హార్డ్ డ్రైవ్, సోలిడ్ స్టేట్ డ్రైవ్, టేప్ సామర్థ్యాలకు ఉపయోగిస్తారు. అలాగే సమాచార బదిలీ వేగాన్ని కూడా గిగా బైట్లలో గణిస్తారు. ఏదేమైనా, ఈ పదాన్ని కంప్యూటర్ సైన్స్, ఇన్ఫర్మేషన్ టెక్నాలజీ యొక్క కొన్ని రంగాలలో ముఖ్యంగా RAM పరిమాణాల కోసం 1073741824 (10243 లేదా 230) బైట్లను సూచించడానికి ఉపయోగిస్తారు. కొన్ని సందర్భాలలో గిగాబైట్ వాడకం అస్పష్టంగా ఉండవచ్చు.
గిగాబైట్ యొక్క ప్రామాణిక మెట్రిక్ నిర్వచనాన్ని ఉపయోగించి డ్రైవ్ తయారీదారులు వారు విక్రయించిన హార్డ్ డిస్క్ సామర్థ్యాలను సూచిస్తారు. కానీ 400 GB డ్రైవ్ యొక్క సామర్థ్యాన్ని ప్రదర్శించినప్పుడు, ఉదాహరణకు, మైక్రోసాఫ్ట్ విండోస్ పరిమాణాన్ని బైనరీ విధనంలో వ్యాఖ్యానాన్ని ఉపయోగించి 372 GB గా నివేదించబడుతుంది.
ఈ అస్పష్టతను పరిష్కరించడానికి, ఇంటర్నేషనల్ సిస్టం ఆఫ్ క్వాంటిటీస్ 1024 పూర్ణాంకాల శ్రేణిని సూచించే బైనరీ ఉపసర్గలను ప్రామాణీకరిస్తుంది. ఈ ఉపసర్గలతో "1GB" పరిమాణాన్ని కలిగి ఉన్నట్లు లేబుల్ చేయబడిన మెమరీ మాడ్యూల్ ఒక గిబిబైట్ (1GiB) నిల్వ సామర్థ్యాన్ని కలిగి ఉంటుంది . ISQ నిర్వచనాలను ఉపయోగించి, హార్డ్ డ్రైవ్ కోసం నివేదించబడిన "372 GB" వాస్తవానికి 372 GiB (400 GB).