Personal computer
From Wikipedia, the free encyclopedia
Un personal computer (da ła łéngua ingleze, in vèneto leterałe “calcołatore personałe” o sanò “conputador personałe”, sołitamente scursà in PC) el ze calsìase computer che el se inpresta a ła dòpara personałe e a ła customizasion da parte de l'utente inte el dòparo periòdego.
Dezanbìgua – "PC" ła remanda cuà. Se te serchi altri signifegari, védarse PC (dezanbìgua) |
Fazesto tipegamente a liveło de hardware sevendo l'architetura de von Neuman e formà da un unità de ełaborasion sentrałe, in ingleze central processing unit, scursà in CPU (procesadore) e perifèreghe vàrie, de frecuente par fasiłitar inte ła dòpara in magnera tipegamente user friendly a liveło software el rełativo sistema oparadivo el inplementa inte ła so interfasa utente ła denomenada metàfora de ła scrivània.
El personal computer el ga de facto renpiasà inte el tenpo ła vècia màchina da scrìvar par dòparo personałe e de ufiso gràsie ai programi de videoscritura zontàndoghe numarévułe altre funsionałità (es. càlcoło, gràfega, projetasion, videozughi e altre funsion) gràsie a ła so fàsiłe programabiłità.