OXO
From Wikipedia, the free encyclopedia
《OXO》係亞歷山大·S·道格拉斯(英文:Sandy Douglas)喺1952年整嘅井字過三關電子遊戲。佢係好早期嘅電子遊戲。游戲係道格拉斯為咗劍橋大學人機互動課題而開發嘅。
《OXO》係喺延遲儲存電子自動計算器(EDSAC) 上面編寫嘅。EDSAC係最早期嘅儲存程序電腦,可以讀取同寫入儲存器。部機有三塊小型顯像管屏幕,用嚟指示儲存器狀態;道格拉斯重新定義咗一塊屏幕,令佢可以向用戶顯示其他信息,例如井字過三關嘅遊戲狀態。遊戲完成目的之後被廢棄,後來又重建翻。
《OXO》同克里斯托弗·斯特雷奇同期嘅西方跳棋遊戲,係已知最早用電子屏幕顯示圖像嘅遊戲。根據某啲定義,佢哋就係最早嘅電子遊戲,而一啲電子遊戲嘅定義要求有畫面活動或者實時更新,咁樣《OXO》就唔算係電子遊戲。