法西斯主義
極右派保守主義 / From Wikipedia, the free encyclopedia
法西斯主義(英文:Fascism;意大利文:fascismo),最先由意大利墨索里尼提出嘅一種將民族主義由國家一黨專政化嘅政權政治運動,理論上只係一種極右派保守主義,必然包括對外侵略嘅戰爭主義,不過歷史上好多法西斯政權都參戰,甚至發起戰爭。
法西斯主義通常結合咗社團主義、工團主義、國家主義、泛民族主義、中央集權形式嘅社會主義[1]、軍國主義、反無政府主義、反資本主義[2]、反共產主義、極權主義或威權主義、反自由主義同反民主主義嘅政治哲學。法西斯主義可以視為係極端形式嘅集體主義,反對個人主義,《大英百科全書》對法西斯主義一詞嘅定義係:「個人嘅地位被壓制到集體—例如某個國家、民族、種族、或社會階級之下嘅社會組織。」