Ich bin ein Star – Holt mich hier raus!
From Wikipedia, the free encyclopedia
Ich bin ein Star – Holt mich hier raus! (vylmol au Dschungelcamp gnännt) isch Reality-Show, wu uf RTL uusgstrahlt ewird. Syter anne 2004 het s bishär zeh Stapfle dervu gee. S Format stammt urspringli vu dr britische Show „I’m a Celebrity…Get Me Out of Here!”
Seriedate | |
---|---|
Originaltitel | Ich bin ein Star – Holt mich hier raus! |
Produktionsland | Auschtralie Dytschland (Vorspann) |
Produktionsjoor | 2004, 2008–2009, syt 2011 |
Produktions- unternääme | ITV Studios Germany |
Lengi | 60–165 Minute |
Episode | 220 in 14 Staffle |
Sändigs- turnus | je Stapfle alldag ca. 22:15 Uhr ußer dr erschte Folg in Stapfle 6-10 (21:15 Uhr) |
Genre | Reality-TV |
Titellied | I’m a Celebrity |
Musik | Sonic |
Moderation | Sonja Zietlow Jan Köppen (syt Stapfle 16) Dirk Bach (Stapfle 1–6) Daniel Hartwich (Stapfle 7–15) |
Ersti Sändig | 9. Jänner 2004 uf RTL |
D Show lauft eso ab, ass zehn oder elf Lyt, wu mee oder weniger us em Färnseh bekannt sin, bis zue zwoo Wuche z Auschtralien in eme sogännte Dschungelcamp zämme läbe. Doderby stehn si unter ständiger Beobachtig dur Färnsehkamera, ähnli wie im Format Big Brother. Zyl vu dr Dailnämmer isch s d Gunscht vu dr Zueschauer z gwinne un eso lang wie meglig im Lager z blyybe, zum am Änd per Televoting zur „Dschungelkönigin“ bzw. zum „Dschungelkönig“ gwehlt z wäre. Doderby mien si sogännti „Dschungelprüfungen“ ablege, wu si zum Byschpel in Made yydunkt wäre oder gruusigi „Spyyse“ mien ässe, wie Hode oder läbigi Insekte.
Mit dr Zyt wäre d Dailnämmer vum Publikum per Televoting us em Lager uusegwehlt bis am Änd im Finale dr Siiger feschtstoht.