![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/Balduineum_Wahl_Heinrich_VII.jpg/640px-Balduineum_Wahl_Heinrich_VII.jpg&w=640&q=50)
Kurfürst
e Riichsfürst vom Häilige Römische Riich mit em Briwileeg, dr röömisch-dütsch Köönig z weele / From Wikipedia, the free encyclopedia
E Kurfürst (latiin. princeps elector imperii oder elector) isch äine vo de Fürste vom Häilige Römische Riich gsi, won elläi sit em 13. Joorhundert s Rächt gha häi, dr römisch-dütsch Köönig z weele. Zerst si s siibe vo de ranghöggste Riichsfürste gsi, spööter nüün. Mit däm Köönigsditel isch dradizionell dr Aaspruch verbunde gsi, vom Bapst zum römisch-dütsche Kaiser kröönt z wärde.
![Thumb image](http://upload.wikimedia.org/wikipedia/commons/thumb/5/51/Balduineum_Wahl_Heinrich_VII.jpg/640px-Balduineum_Wahl_Heinrich_VII.jpg)
D Kurfürste weele dr Heinrich von Luxemburg zum Köönig. Vo iire Wabbe wäiss mä, dass daas (vo linggs uf rächts) d Erzbischöf vo Köln, Mainz und Trier gsi si, dr Pfalzgroof bi Rhii, dr Herzoog vo Sachse, dr Markgroof vo Brandeburg und dr Köönig vo Bööme, wo bi dr Waal vom Heinrich in Wirkligkäit nit aawääsend gsi isch.
Wo dr letscht Kaiser, dr Franz II., 1806 abdankt het, isch s Häilige Römische Riich erlosche, und dr Ditel vom Kurfürst het jedi braktischi Bedütig verloore.
D Bezäichnig Kurfürst goot uf s middelhoochdütsche Wort kur oder kure für Waal zrugg, wo us em s nöihoochdütsche küren entstande isch.