Kontinentali Runeinschrifte
From Wikipedia, the free encyclopedia
Under kontinentale Runeinschrifte verstoot mer epigrafischi Inschrifte vo Ruune, wo ide Völkerwanderigszit und im Früemittelalter ufem europäische Festland (ohni Skandinavie) gschribe worde sind.
Dialäkt: Ùndertòggeborg |
Die Inschrifte chönet verschidnige germanische Stämm zuegornet werde, öppe d Hälfti a de Alemanne.
Die ältiste Inschrifte stamet usem 3. Joorhundert, die jüngste usem 7. Joorhundert. Abem 19. Joorhundert händ verschidnigi Lüt afange noiji Runeinschrifte afertige, wo ide Forschig as Fälschige klassifiziert werdet.
Nöd zu de epigraphische Inschrifte ghöret Ruune und Ruuneraije, wo i mittelalterliche Büecher (Manuskriptruune) gschribe wore sind.