Résistance
franzöösischi und belgischi Widerstandsbeweegige wääred em Zwäite Wältchrieg gege die totalitääre nazionalsozialistische dütsche und italiänische Bsatzigsmächt / From Wikipedia, the free encyclopedia
Résistance isch dr Sammelbegriff für die franzöösische und belgische Widerstandsbeweegige wääred em Zwäite Wältchrieg gege die totalitääre nazionalsozialistische dütsche und italiänische Bsatzigsmächt und gege d Instituzioone und Bevölkerigsgrubbe, wo mit ene kollaboriert häi.
D Résistance isch nit äihäitlig organisiert und aagfüert gsi, sondern het im Sinn vo de Organisazioone, wo sä dräit häi, verschiideni Ziil verfolgt. Im Früelig 1943 isch dr Jean Moulin vom General de Gaulle gschiggt worde, zum wenigstens die wichdigste politische Grubbierige uf gmäinsaami Ziil festzleege, wo allgemäin definiert gsi si, und zum e Koordinierigsinstanz iizrichde.
Gege s Hoggechrüz, wo vo de Dütsche verwändet worde isch, isch s Lothringer Chrüz au vo dr Résistance as Sümbool vom franzöösische Befreijigskampf überno worde.