Dr Stachelschützbrunne
From Wikipedia, the free encyclopedia
Dr Stachelschützbrunne isch en öffentlige Brunne am Spaalegraabe grad näben em Kollegiehuus am Peetersblatz z Baasel. Er isch 1847 in Betriib gnoo worde und 1865 isch d Figuur vom Stachelschütz, wo dr Heinrich Rudolf Meili us Binnige gmacht het, oobe uf e Stock gsetzt worde. Dä erinneret an die historischi Gsellschaft vo de Armbrustschütze, wo s Lokaal von ene im Stachelschützehuus gsi isch. Säll isch grad wisawii uf dr andere Stroossesite vom Brunne gstande. S Geböid ghöört hüte zur Uni. Dr Brunne stoot nid under Dänggmolschutz. Er isch e beliebte Baadbrunne.
Dialäkt: Aagglobaaseldütsch |