Ḫattusa
From Wikipedia, the free encyclopedia
Ḫattusa (Ḫattuša, /χat:usa/; heth. URUḫa-at-tu-ša), uf tütsch o Hattuscha gschrebe, isch d Hoptstadt vom Hethitische Riich gsii. D Ruuine liged oberhalb vom Dorf Boğazkale (früenner Boğazköy) i de Törggai, öppe 180 Kilometer östlich vo Ankara. D Flächi vo de Stadt, wo ummuuret isch, bitrait 180 Hektaare. Si bistoot usere Understadt und ennere Oberstadt. De Palast vo de hethitische Könige isch ufem staile Högel Büyükkale gstande. D Ruine sind sittem 19. Joorhundert bikannt, im Joor 1893 hett mer aafange de Ort systemaatisch z undersueche. Sitt ane 1986 ghört Ḫattusa zäme mitem Hailigtum Yazılıkaya, wo i de Nööchi litt, zom UNESCO-Weltkulturerb.