احمد فؤاد نجم
From Wikipedia, the free encyclopedia
احمد فؤاد نجم (1929 - 2013) و شهرته ”الفاجومى“ (نطق: /elfæˈgu:mi/) و ابو المصريين هوه من اشهر الشعرا المصريين اللى كتبوا باللغه المصريه الحديثة (العاميه المصرية).
| ||||
---|---|---|---|---|
معلومات شخصيه | ||||
الميلاد | 22 مايو 1929 [1] | |||
الوفاة | 3 ديسمبر 2013 (84 سنة)[1] | |||
مواطنه | مصر | |||
الزوج/الزوجه | صافى ناز كاظم (اغسطس 1972–يوليه 1976) عزه بلبع (1967–1982) | |||
ابناء | نواره نجم | |||
الحياه العمليه | ||||
المهنه | شاعر ، وكاتب | |||
الحزب | حزب المصريين الأحرار | |||
اللغه الام | مصرى | |||
اللغات المحكيه او المكتوبه | مصرى | |||
تعديل مصدري - تعديل |
كان ساكن فى مساكن الزلزال الشعبيه فى حى المقطم بالقاهره و سبب شهره نجم هوه شعره الجرىء اللى بينتقد فيه الحكام و بينحاز للشعب المصرى و خصوصا الغلابه منهم و طبعا خفه دمه سبب اساسى لانتشار شعره البسيط و العميق فى نفس الوقت. بس جرءته دى كان تمنها غالى 18 سنه فى السجون و المعتقلات. نجم انتقد سياسات رؤساء مصر التلاته عبد الناصر و السادات و مبارك لكن السادات كان ليه نصيب الأسد من اشعار نجم السخنه لدرجه ان الرئيس السادات كان بيسميه الشاعر البذئ. نجم سمى جمال عبد الناصر "عبد الجبار" . ارتبط اسم احمد فؤاد نجم بالشيخ إمام اللى كان بيغنيله اشعاره لكن اختلفو مع بعض لأسباب ماليه و انفصلو بعد ما عاشو فى فرنسا وعملو حفلات كان أغلب روادها العرب. انضم لحزب الوفد الجديد و بعدين استقال منه فى يوم 10 اكتوبر 2010 و اعلن انه محتج على قرار السيد البدوى رئيس الحزب انه شال ابراهيم عيسى من رئاسه تحرير جرنال الدستور. بعد ثورة 25 يناير انضم لحزب المصريين الأحرار