فكرة المصريين القدام عن الكون
From Wikipedia, the free encyclopedia
فكرة المصريين القدام عن الكون كانت انهم بيتخيلو السما على هيئة غطا كبير بتستند اطرافه على قمم الجبال الارضيه و كانو بيعتقدو ان فيه نهر كبير بيعدى فى الغطا ده من الشرق للغرب و هو النهر اللى بتعدى فيه الشمس فى مركبتها و كانو بيعتقدو ان الشمس بتتولد الصبح و بتموت كل مسا.
اعتقد المصريين القدام ان الشرق هو وش العالم و الشمال يمينه و الجنوب شماله و اكمن النيل بيجرى من الجنوب للشمال فده كان معناه عندهم ان النيل بيتولد فى الشمال و بيموت فى اليمين ، و لإن النيل بيغطى الارض كل سنه و بعدها بينبت الزرع اعتبرو العمليه رمز لاقتران اوزوريس و ايزيس عشان يخلفو حورس. لكن المصريين اتوصلو لحقيقة ان البحر كان بيغطى مصر فى الزمن القديم و استدلو على كده عن طريق الحفريات المحاريه الى كانو بيلاقوها فى المناجم و الجبال.
اهتم قدماء المصريين بعلم الفلك و رصدو الظواهر الفلكيه زى كسوف الشمس كمان اتخذو اسماء الكواكب آلهه و عبدو اله الشمس (رع) و اعتمدو النظام الشمسى و قسمو السنه لـ 3 فصول و قدرو يتعرفو على الكواكب التانيه: عطارد , الزهره , المريخ , المشترى , زحل و ابتكرو الساعه الشمسيه.
شيد الفراعنه الاهرامات على استقامه واحده و عموديه على النجم القطبى و بتقول الاسطوره ان رع إله الشمس لما كان بيحكم الارض ثار الناس ضده فارسللهم بنته حاثور على هيئة لبؤه اسمها سخمت و خربت البلاد و قتلت, و اتجسد سخمت الفتره من السنه اللى بيكون نهر النيل فيها فى اقل مستوى ليه و بتضيف الاسطوره ان رع ندم على فعلته و القى فى الصحرا بيره حمرا بتظهر على نهر النيل ايام فترة فيضانه, و اعتقدت (سخمت) ان البيره كانت دم فسكرت, و هدت و رجعت حاثور مره تانيهو بقت المره دى إلهه الحب و فاض النيل, و كان الحدث بالنسبه للمصريين حدث مهم خاصه انهم كانو يرصدو بقلق و خوف عودة ظهور النجم سيروس و اتوافق ظهور النجم مع اول يوم من السنه المصريه الموافق للسنه 2781 قبل الميلاد و هوا التاريخ اللى بيعتقد ان المصريين تبنوه لتقويمهم, المعروف ان السنه المصريه قصيره جدا بالنسبه لدورة الشمس و اللى بتبلغ 365,25 يوم و كان شروق سيروس المصاحب للشمس بيتاخر يوم كل 4 سنين .