قوات الصاعقة المصرية
From Wikipedia, the free encyclopedia
قوات الصاعقة هيا قوات بتتجهز جسمانيا ونفسيا عن طريق تدريبات خاصة جدا مختلفة عن باقى فروع الجيش. وشرط فى الملتحق بالصاعقة لياقة بدنية وجسمانية عالية، وبيتعملله اختبار طبى خاص. تتعمل الفرقة فى البداية تحت قيادة وحدات الصاعقة على أعلى مستوى من التدريب بمدرسة الصاعقة فى أنشاص، وبيتم اختيار العناصر اللى بتشوفها المدرسة من الظباط علشان ياخدو الفرقة من ظباط وحدات المظلات ووحدات الصاعقة ولواء الوحدات الخاصة البحرية المصرية، ومدة الفرقة (السيل) 34 أسبوع كامل من غير توقف، وبرضو بيتعمل اختبارات لطبية للأفراد علشان يتأكدو من سلامتهم الطبية الأول. وبعدين بتتوزع خطة التدريب بشكل عام.[1][2][3][4][5][6][7][8]
| ||||
---|---|---|---|---|
البلد | مصر | |||
المقر الرئيسى | القاهره | |||
تاريخ التأسيس | 1956 | |||
جزء من | القوات البريه المصريه | |||
تعديل |
وبيتم قبول الافراد لوحدات الصاعقة على مواصفات خاصة زي اللياقة البدنية العالية وقوة التركيز والتحمل وعلشان يقبلو فرد بالصاعقة لازم يكون عنده فرقتين معلمين صاعقة راقية وفرقة قفز اساسى بالمظلات فمدة فرقة معلمى الصاعقة الراقية 12 اسبوع او 3 أشهر وبتتعمل بمدرسة الصاعقة بانشاص (الشرقية) وبيسمو اللى بالفرقة فدائى ويتم نزع رتبه عنه انه كان ظابط متقسمة ل3 اجنجة اللى هما الجناح الاساسى ومدته 4 اسابيع هيا تدريبات مكثفة على فنون القتال والاشتباك الحر و صد الضربات بالأيدين و السونكى و برضو طريقة الطعن و الدرء و الاستخدام الجيد لسونكى البندقية الآلية لما الرصاص يخلص. و بيتم التركيز فى الدورة كلها بوجه عام على التكدير العنيف للفدائيين يعنى أن كل المتقدمين علشان ياخدو الفرقة هما فدائيين من غير رتبة لحد لو كانو طلبة كليات عسكرية أو ظباط صف أو لحد ظباط.[9][10][11]
و بيشمل التكدير محدش ينام اطلاق فى بداية الفرقة و التقليل جدا فى أوقات الراحة و التدريبات البدنية العنيفة لزيادة قوة التحمل.و بيتن بعد كدة التدريب على تعدية الموانع العنيفة اللى المفروض تكون موجودة فى ميدان المعركة اللى معروف ب ( تطعيم المعركة )
و بيشمل التعدية من الموانع المتحوطة بالنار و التعدية فى برك المية الموحلة و خلافه. وما ننساش كلنا التدريب على التعايش و هو نقطة أساسية لتدريب أى فرد صاعقة ويتم التدريب على طريقة التكيف مع الظروف القاسية اللى ممكن جداً أن فرد الصاعقة يلاقى نفسه فيها زى لطبيعة و خطوره المهام اللى بيتكلف بيها و اللى بتفرض عليه انه يفضل ورا خطوط العدو و يستخبى فترات طويلة يستنى لحظة الهجوم المناسبة.
من الوارد جدا أنه يخلص الـاكل و الميه فبيدربو فرد الصاعقة على طريقة سد جوعه من الطبيعة عن طريق أكل أى حيوان برى زي الأرانب أو الثعابين او الضفادع أو غيرهم لو كان موجود و طريقة قتلهم بدون أدوات و سلخهم و طبخهم لو أمكن و برضو طريقة استخراج ميه من بعض النباتات الصحرواية زى التين الشوكى أو الصبار.و فيه برضو تدريب على عمل دواير النسف و التجديف بالمراكب المطاطية و قفزات الثقة من الثبات من ارتفاعات مختلفة 10 متر - 15 متر.[14][15][16]