نثر
From Wikipedia, the free encyclopedia
النثر هوا نوع من انواع الكتابه اللى بتعتبر من اسهل و اعم انواع الادب الموجود فى اى لغه و ده لسهولته و قربه من الحديث المرسل اللى الناس بتستخدمه فى الكلام العادى, النثر بيختلف عن الشعر بالتنوع الكبير فى الالحان و كمان مش بيلتزم بالقافيه و لا بالوزن.
معلومات سريعة نثر, صنف فرعى من ...
| ||||
---|---|---|---|---|
صنف فرعى من | عمل ادبى | |||
جزء من | ادب | |||
بيمارسه | ناثر | |||
تعديل مصدري - تعديل |
إغلاق
بساطته و بنيته الحره خلته الاستخدام الاعم فى الكتابه الموضوعيه و الجرايد والمجلات و حاجات تانيه كتير.
النثر الادبى ليه تعريفات كتيره لكن من اوضحها: التعبير عن الافكار والعواطف و الانفعالات بكلام جميل مش بيتقيد بالوزن و لا بالقافيه زى الشعر التقليدى, فهوا كلام بيعبر عن اللى جوه نفس الانسان من افكار و خواطر و مشاعر و انفعالات, و الكلام ده بيستخدم لغه ادبيه و بيستخدم الخيال اللى بيولد صوره فنيه رائعه بتعبر عن اللى بيدور فى فكر الانسان.