নগৰীয়া কিংবদন্তি
From Wikipedia, the free encyclopedia
নগৰীয়া কিংবদন্তি (ইংৰাজী: Urban legends) বা আধুনিক কিংবদন্তি (modern legend), নগৰীয়া শ্ৰুতিকথা (urban myth) হৈছে কোনো অস্বাভাৱিক (সাধাৰণতে ভয়ংকৰ) বা হাস্যৰসময়ী পৰিঘটনাৰ কাহিনী সম্পৰ্কীয় লোককথাৰ এটা ধাৰা। এই কিংবদন্তিবোৰ সকলোৱে বিশ্বাস নকৰে যদিও বহুতে সত্য বুলি বিশ্বাস কৰে।[1]
এই কিংবদন্তিবোৰ আমোদজনক হ’ব পাৰে যদিও প্ৰায়ে ৰহস্যময়ী বিপদ বা আমনিদায়ক পৰিঘটনা, যেনে অন্তৰ্ধান হোৱা আৰু অদ্ভুত বস্তু বা সত্তাৰ হ’ব পাৰে। নগৰীয়া কিংবদন্তিসমূহে নৈতিক মানদণ্ড নিশ্চিত কৰিব পাৰে, পক্ষপাতিত্ব প্ৰতিফলিত কৰিব পাৰে বা সামাজিক উদ্বেগসমূহ প্ৰকাশ কৰিব পাৰে।[2]
পূৰ্বতে নগৰীয়া কিংবদন্তিবোৰ বেছিভাগেই মৌখিকভাৱে কোনো সমজুৱা আলোচনা বা কেম্প ফায়াৰত আদ্দাৰ বিষয় আছিল। বৰ্তমাৱ, বাতৰি কাকত, মোবাইল বাতৰি এপ, ই-মেইল, আৰু বেছিভাগ সময়তে সামাজিক মাধ্যমকে ধৰি যিকোনো মাধ্যমেৰে সেইবোৰ বিয়পাই দিয়া হৈছে। কিছুমান নগৰীয়া কিংবদন্তি বহু বছৰ/দশকজুৰি মাত্ৰ সৰু সৰু পৰিৱৰ্তনৰ ঘটি আজিৰ যুগ পাইছেহি। সাধাৰণ নগৰীয়া কিংবদন্তি অঞ্চলভেদে কাহিনীৰ কিছু পাৰ্থক্য থাকে যদিও মূল পাঠ বা নীতিশিক্ষা সাধাৰণতে একেই থাকে।