মৰ্টন
From Wikipedia, the free encyclopedia
মৰ্টন হৈছে এক মিঠা খাদ্য য'ত মুখ্য উপাদান হিচাপে চেনিক ব্যৱহাৰ কৰা হয়। চেনি কনফেক্সনেৰী নামৰ শ্ৰেণীত চকলেট, চুইং গাম, আৰু চেনি মৰ্টনসহ যিকোনো মিঠা কনফেক্সন অন্তৰ্ভুক্ত থাকে। চেনিৰ প্ৰলেপ দিয়া পাচলি, ফল বা বাদাম আদিকো মৰ্টন বুলিব পাৰি। মৰ্টনক আমেৰিকান ইংৰাজী ভাষাত কেণ্ডি (Candy), ব্ৰিটিছ ইংৰাজী ভাষাত চুইট (Sweet) আৰু অষ্ট্ৰেলিয়ান ইংৰাজী ভাষাত ললী (Lolly) বোলা হয়।[1]
ছিৰিয়াৰ ডামাস্কাছৰ বজাৰত মৰ্টনৰ দোকান | |
অন্য নাম | কেণ্ডি, চুইট, ললী |
---|---|
প্ৰকাৰ | চেনি মিশ্ৰণ |
মুখ্য উপাদান | চেনি, গুৰ বা মৌ |
মৰ্টনত যথেষ্ট পৰিমাণৰ চেনি বা চেনিৰ বিকল্প ব্যৱহাৰ কৰা হয়। কেক বা ৰুটিৰ দৰে বহু লোকৰ মাজত ভাগ-বতৰা কৰিব পৰা খাদ্য বস্তুৰ বিপৰীতে মৰ্টন সাধাৰণতে সৰু টুকুৰাত তৈয়াৰ কৰা হয়। অৱশ্যে, মৰ্টনৰ সংজ্ঞাও নিৰ্ভৰ কৰে যে মানুহে খাদ্যৰ ব্যৱহাৰ কেনেদৰে কৰে। আহাৰৰ শেষত পৰিবেশন কৰা মিঠাইৰ বিপৰীতে, মৰ্টনবোৰক সাধাৰণতে অনিয়মীয়াকৈ খোৱা হয়, প্ৰায়ে আহাৰৰ মাজত জলপান হিচাপে খোৱা হয়। কাক মিঠাই বা কাক মৰ্টন বোলা হয় সেই বিষয়ে প্ৰতিটো সংস্কৃতিৰ নিজস্ব ধাৰণা আছে। একেটা খাদ্য এটা সংস্কৃতিত মৰ্টন আৰু আন এটাত মিঠাই হ'ব পাৰে।[2]