Alemán estándar suizu
From Wikipedia, the free encyclopedia
El alemán estándar suizu (n'alemán Schweizerhochdeutsch) fai referencia a la variedá escrita (Schriftdeutsch) o culta (Hochdeutsch) del alemán, una de les cuatro llingües oficiales de Suiza, xunto al francés, l'italianu y el romanche.[1] Ye la variedá del alemán estándar que s'emplega nel rexistru escritu na zona xermanofalante de Suiza. Na so forma oral nun suel emplegase enforma.
- Esti artículu ye sobre la variedá estándar del alemán en Suiza. Pa los dialeutos alemánicos en Suiza, vease l'artículu alemán suizu.
Nun se debe confundir l'alemán estándar suizu col alemán suizu, un términu que s'emplega pa referise al conxuntu de dialeutos alemánicos que s'usen diariamente pa comunicase na Suiza germanófona.
L'alemán ye un idioma pluricéntrico. En contraste con otres variedaes llocales del alemán, l'alemán estándar suizu tien carauterístiques distintives en tolos dominios llingüísticos: non solo na fonoloxía, sinón tamién nel vocabulariu, sintaxis, morfoloxía y ortografía. Estes carauterístiques del alemán estándar suizu llámense helvetismos.
La institución encargada del cuidu y la normalización del alemán estándar suizu ye la Schweizerischer Verein für die deutsche Sprache (SVDS, "Asociación suiza pa la llingua alemana").