América Anglosaxona
From Wikipedia, the free encyclopedia
América Anglosaxona,[1] Angloamérica o América Inglesa (Anglo-America n'inglés) ye'l términu que s'utiliza davezu pa designar a Canadá y Estaos Xuníos (ensin Ḥawai), dambes antigües colonies britániques según los países onde l'idioma oficial o mayoritariu ye l'inglés, y que s'utiliza en contraposición a América Llatina.
América Anglosaxona | |
---|---|
Alministración | |
Tipu d'entidá | rexón xeográfica |
Xeografía | |
Demografía | |
El términu nun ye del tou precisu porque amplios territorios que la integren como California,[2] Nuevu Méxicu,[3] Arizona,[4] Texas,[5] Nevada,[6]Utah,[7] Colorado,[8] Wyoming,[9] Florida,[10] Louisiana[11] y parte de Canadá fueron colonies franceses o españoles, y nun son, por tanto d'orixe anglosaxón. Ye más, en Québec el francés ye la única llingua oficial,[12] amás de la falada pola mayoría de la población según el censu del 2006,[13] y n'otres rexones hai llingües llatines en cooficialidá col inglés. Amás, el términu "llatín" fai referencia a toles Llingües romániques, ente que "anglosaxón" solo fai referencia al idioma inglés, polo que p'haber paralelismu tendría de falase de "anglosaxona" frente a "hispana", o "xermánica" frente a "llatina".
Per otra parte, esisten dellos territorios y naciones d'América que tamién fueron colonies britániques, como Belize n'América Central; Guyana, les Islles Malvines n'América del Sur; Barbados, Xamaica y otros países del Caribe, que de normal son escluyíes del términu al faer el paralelismu con América del Norte (namái incluyendo a Estaos Xuníos y Canadá). Amás, en distintes partes del mundu utilicen términos que son d'usu xeneral pa nomar a los estauxunidenses, pero que puramente resulten erróneos, por casu, llamándolos norteamericanos n'América Llatina o a cencielles americanos nel Reinu Xuníu y Europa polo xeneral.