Basílica de San Isidoru de Llión
From Wikipedia, the free encyclopedia
La Real Colexata Basílica de San Isidoru o, a cencielles, San Isidoru de Lleón, ye un templu cristianu allugáu na ciudá de Lleón, n'España. Ye unu de los conxuntos arquiteutónicos d'estilu románicu más destacaos d'España, pola so hestoria, arquiteutura, escultura, y polos oxetos suntuarios románicos que se pudieron caltener. Presenta la particularidá de tener un Panteón Real allugáu a los pies de la ilesia, con pintura mural románica y capiteles orixinales, too esto fai que seya pieza única del mundu románicu de la dómina. El construyóse y engrandecióse a lo llargo de los sieglos XI y XII.
Basílica de San Isidoru de Llión | |
---|---|
Patrimoniu de la Humanidá UNESCO Bien d'Interés Cultural | |
colegiata (es) , basílica menor y Monumento (es) | |
Llocalización | |
País | España |
Autonomía | Castiella y Lleón |
Provincia | provincia de Lleón |
Conceyu | Lleón |
Coordenaes | 42°36′03″N 5°34′15″W |
Historia y usu | |
Apertura | sieglu X |
Orixe del nome | Isidoru de Sevilla |
Relixón | catolicismu |
Diócesis | Diócesis de León (es) |
Arquiteutura | |
Estilu | arquiteutura románica |
Patrimoniu de la Humanidá | |
Referencia | 669-1538 |
Rexón | Europa y América del Norte |
Inscripción | ) |
BIC | RI-51-0000098[1] |
Web oficial | |
Nel so orixe foi un monesteriu dedicáu a San Pelayo, anque se supón qu'enantes s'asitiaba nos sos cimientos un templu romanu. Col treslláu de los restos de San Isidoru, obispu de Sevilla, Doctor de les Españes en Lleón, camudóse la titularidá del templu.
L'edificiu de la ilesia caltién dellos aspeutos románicos de la primer construcción de Fernandu I y Sancha. El Panteón y les dos puertes de la so fachada sur, llamaes Puerta del Corderu y Puerta del Perdón, más la Puerta Norte o Capitular, son les primeres manifestaciones del arte románicu nos territorios lleoneses. Col pasar de los años fixéronse cambeos y amestaúres gótiques, renacentistes y barroques.