Consuláu del Mar
From Wikipedia, the free encyclopedia
Los Consulaos del Mar yeren una institución xurídicu-mercantil medieval formada por un Prior y dellos Cónsules que la so xurisdicción yera similar a los actuales tribunales mercantiles. L'orixe de la institución ye mediterraneu, siendo'l primeru'l de Trani (Italia), de 1063, estendiéndose la institución rápido a Pisa, Messina, Xipre, Constantinopla, Venecia, Montpellier, Valencia (1283), Mallorca (1326), Barcelona (1347), Burgos (1447), Perpiñán y Malta (sieglu xvii). Anguaño esiste un Consuláu del mar de Barcelona que ye parte de la Cámara de Comerciu de Barcelona, que la so misión ye arbitrar en conflictos de calter mercantil:
Artículu 1. El Consuláu de Mar
Nos discutinios y desavenencies de calter mercantil surdíes ente empresarios, la Cámara Oficial de Comerciu, Industria y Navegación de Barcelona exerz les funciones arbitrales y de sistemes alternativos de resolución de conflictos per mediu del Consuláu de Mar.
Nun se debe confundir, como faen munchos autores, el Consuláu del mar como institución, cola escoyeta de normes, usos y costumes del comerciu marítimu conocida como Llibru del Consuláu del Mar.