Esteban I d'Hungría
From Wikipedia, the free encyclopedia
Esteban I (en llatín, Stephanus I; n'húngaru, I. István; n'eslovacu, Štefan I), conocíu como «el Santu»[5] o «el Grande»[lower-alpha 1] (Esztergom, c. 975-ib. o Székesfehérvár, 15 d'agostu de 1038), foi'l postreru gran príncipe de los húngaros (997-1000/1001) y el primer rei d'Hungría (1000/1001-1038). L'añu de la so nacencia ye inciertu, pero'l historiadores suxuren que nació non dempués de 975 n'Esztergom. El so nome orixinal yera Vajk, d'orixe paganu. La so fecha de bautismu tamién ye desconocida. Yera'l fíu únicu del gran príncipe Géza y de Sarolta, princesa descendiente de una distinguida familia de gyulas.[lower-alpha 2] Anque los sos padres bautizáronlu antes de la nacencia, Esteban foi'l primer miembru de la dinastía Árpad en prauticar devotamente el cristianismu. Casóse con Gisela de Baviera, orixinaria de la dinastía imperial otoniana.
Esteban I d'Hungría | |||
---|---|---|---|
1000 - 1038 ← ensin valor - Pedro Orseolo de Hungría (es) → | |||
Vida | |||
Nacimientu | Estrigonia (es) , circa 975[1] | ||
Nacionalidá | Reinu d'Hungría | ||
Muerte | Szentkirály (Esztergom) (es) , 15 d'agostu de 1038[2] (62/63 años) | ||
Sepultura |
basílica de Székesfehérvár (es) Székesfehérvár | ||
Familia | |||
Padre | Géza de Hungría | ||
Madre | Sarolta | ||
Casáu con | Gisela de Baviera (es) (996 (Gregorianu) – )[3] | ||
Fíos/es |
| ||
Hermanos/es | |||
Pueblu | Casa de Árpad (es) | ||
Oficiu | monarca | ||
Santoral | |||
20 d'agostu y 16 d'agostu | |||
Creencies | |||
Relixón | cristianismu | ||
Dempués d'asoceder al so padre en 997, Esteban apostó'l tronu col so pariente Cupan, quien yera sofitáu por un gran númberu de guerreros paganos. Cola ayuda de caballeros estranxeros como Vencelino, los hermanos Hont y Pázmány y tropes maxares, Esteban ganó a Cupan. Foi coronáu'l 25 d'avientu de 1000 o'l 1 de xineru de 1001 con una corona unviada pol papa Silvestre II. Nuna serie de guerres contra tribus y caciques semiindependientes —ente ellos, los maxares negros y el so tíu Gyula III «el Mozu»— unificó la cuenca cárpata. Protexó la independencia del so reinu al forzar la salida de les tropes invasores del emperador Conrado II en 1030.
Esteban estableció un arzobispáu, seis obispaos y tres monasterios benedictinos, y de esta mena la Ilesia católica n'Hungría pudo desenvolvese independientemente de los arzobispos del Sacru Imperiu. Afaló l'espardimientu del cristianismu con castigos severos si inoraben los «vezos cristianos». El so sistema d'alministración llocal basose'n condaos entamaos alredor de fortaleces y alministraos por funcionarios reales. Por cuenta de la relativa paz mientres el so reináu, Hungría convirtióse nuna ruta preferida pa pelegrinos y comerciantes que viaxaben ente Europa Occidental y Tierra Santa o Constantinopla.
Sobrevivió a tolos sos fíos. Morrió'l 15 d'agostu de 1038 y foi enterráu nuna basílica construyida en Székesfehérvár y dedicada a la Virxe María. La so muerte causó guerres civiles que duraron décades. En 1083 foi canonizáu pol papa Gregorio VII, xunto col so fíu —Emerico— y l'obispu Gerardo de Csanád. Esteban ye un santu popular n'Hungría y los territorios vecinos y la so fiesta (celebrada'l 20 d'agostu) tamién ye un día festivu que conmemora la fundación del Estáu húngaru.