Fráncicu oriental
From Wikipedia, the free encyclopedia
El fráncicu o franconio oriental (n'alemán Ostfränkisch) ye un dialeutu del altu fráncicu que se fala principalmente en Baviera (Núremberg, Bamberg, Coburg, Würzburg, Hof, Bayreuth) y en partes de Baden-Württemberg (Bad Mergentheim y Crailsheim) y Turinxa (Meiningen). Los principales subdialeutos son el Unterostfränkisch (o baxu fráncicu oriental, faláu na Baxa Franconia y sur de Turinxa), el Oberostfränkisch (o altu fráncicu oriental, faláu na Alta y Media Franconia) y el Südostfränkisch (o fráncicu oriental meridional, faláu en partes de la Media Franconia y Hohenlohe).
Fráncicu oriental 'Ostfränkisch' | |
---|---|
Faláu en | Alemaña (Baviera, Turinxa, Baden-Württemberg, Hesse) |
Familia | Indoeuropéu Xermánicu |
Estatus oficial | |
Oficial en | Nengún país |
Reguláu por | Nun ta reguláu |
Códigos | |
ISO 639-1 | nengún |
ISO 639-2 | {{{iso2}}} |
ISO 639-3 | |
Llingües altoxermániques 1: Fráncicu oriental |
Alcontráu na zona de transición ente'l fráncicu renano al noroeste y l'austru-bávaru al sur, el fráncicu oriental presenta carauterístiques de les llingües altoxermániques centrales y superiores. Lo mesmo asocede col fráncicu meridional na vecina Baden-Württemberg. El fráncicu oriental ye un de los dialeutos d'Alemaña con mayor númberu de falantes.
La institución que s'encarga de la investigación d'esti dialeutu ye la "Mundartforschungsstelle der Bayerischen Akademie der Wissenschaften", con sede en Fürth.
La estensión del fráncicu oriental ye aldericada, yá que s'asolapa coles llingües vecines como'l bávaru o'l suabu al sur, el fráncicu renano al oeste y el altu saxón al norte.