José Miaja
From Wikipedia, the free encyclopedia
José Miaja Menant (20 d'abril de 1878, Uviéu – 13 de xineru de 1958, Ciudá de Méxicu) foi un militar asturianu, conocíu pol so papel mientres la Guerra Civil Española y, particularmente, na defensa de Madrid.
José Miaja | |||||
---|---|---|---|---|---|
payares 1936 - 26 marzu 1939
16 agostu 1936 - payares 1936 ← Fernando Martínez-Monje Restoy - Juan García Gómez-Caminero → | |||||
Vida | |||||
Nacimientu | Uviéu, 20 d'abril de 1878[1] | ||||
Nacionalidá | España | ||||
Muerte | Ciudá de Méxicu, 13 de xineru de 1958[1] (79 años) | ||||
Estudios | |||||
Llingües falaes | castellanu | ||||
Oficiu | militar | ||||
Premios | |||||
Miembru de | Exploradores de España (es) | ||||
Serviciu militar | |||||
Cuerpu militar | Exércitu de Tierra d'España | ||||
Graduación | Teniente xeneral | ||||
Lluchó en |
Guerra Civil Española Guerra del Rif campaña del Kert (es) | ||||
Tomó parte na Guerra del Rif, mientres la cual llogró dellos ascensos y mandó delles unidaes. Nel intre de la Guerra civil Miaja foi una persona clave na defensa de Madrid, ente payares y avientu de 1936, ostentando la xefatura de la Xunta de Defensa. Darréu dirixió'l Exércitu del Centru y tomó parte en conocíes batalles como Jarama, Guadalaxara o Brunete, y depués el Grupu d'Exércitos de la Rexón Central (GERC).[2] Ello convirtió-y nel xefe militar republicanu de la zona Centro-Sur. Nel intre de la guerra concentró más poder militar que nengún otru xeneral republicanu.[3] Sicasí, la so actitú y el so desempeñu militar en determinaos casos xeneraron duldes na historiografía.
Críticu col desenllaz que la guerra tomó pa la República, en marzu de 1939 sofitó'l llamáu Golpe de Casado y aceptó presidir el Conseyu Nacional de Defensa qu'intentó axustar, ensin ésitu, el fin de les hostilidaes. Nos últimos díes de la Guerra Civil abandonó España y coló al exiliu, primero en Francia y, dempués, en Méxicu.