María Sharápova
From Wikipedia, the free encyclopedia
María Yúrievna Sharápova (rusu: Мария Юрьевна Шарапова, escuchar (?·i); 19 d'abril de 1987, Niagan (es) ) ye una ex-tenista profesional y modelu rusa. Ganadora de los cuatro abiertos del Grand Slam, María Sharápova ocupó'l númberu 1 del clasificación de la WTA mientres 21 selmanes.[3] Anguaño ye la N° 41 del Mundu na clasificación de la WTA.
María Sharápova | |||||||||||||||
---|---|---|---|---|---|---|---|---|---|---|---|---|---|---|---|
| |||||||||||||||
Vida | |||||||||||||||
Nacimientu | Niagan (es) [1], 19 d'abril de 1987[1] (37 años) | ||||||||||||||
Nacionalidá |
Rusia [2] Xunión Soviética | ||||||||||||||
Residencia |
Manhattan Beach (es) Bradenton (es) | ||||||||||||||
Llingua materna | rusu | ||||||||||||||
Familia | |||||||||||||||
Padre | Yuri Sharapov | ||||||||||||||
Madre | Elena Sharapova | ||||||||||||||
Pareyes | Alexander Gilkes | ||||||||||||||
Estudios | |||||||||||||||
Estudios | Keystone National High School (en) | ||||||||||||||
Llingües falaes |
rusu inglés | ||||||||||||||
Oficiu | |||||||||||||||
Oficiu | tenista, modelu, diplomática | ||||||||||||||
| |||||||||||||||
Pesu | 59 kg | ||||||||||||||
Altor | 188 cm | ||||||||||||||
Emplegadores | Organización de les Naciones Xuníes | ||||||||||||||
Premios |
ver
| ||||||||||||||
Nominaciones |
ver
| ||||||||||||||
Creencies | |||||||||||||||
Relixón | Ilesia ortodoxa griega | ||||||||||||||
IMDb | nm1682495 | ||||||||||||||
mariasharapova.com | |||||||||||||||
Sharápova ganó hasta'l momentu cinco títulos individuales de Grand Slam: Wimbledon 2004, Estaos Xuníos 2006, Australia 2008 y Roland Garros 2012 y 2014. Tamién venció nel WTA Tour Championships 2004 y foi finalista en 2007 y 2012.
En total consiguió 36 títulos individuales de WTA, qu'inclúin 12 títulos de WTA Tier 1. Per otra parte, foi medayista de plata na prueba individual de tenis nos Xuegos Olímpicos de 2012.
En 2004, con 17 años d'edá, ganó'l so primer Grand Slam en venciendo na final de Wimbledon a Serena Williams por 6-1, 6-4.[4] Dos años más tarde, en 2006, ganó'l so segundu al ganar na final del Abiertu d'Estaos Xuníos por 6-4, 6-4 a la belxicana y nᵘ 2 del mundu d'entós Justine Henin.[5] En 2008, ganó'l primer Grand Slam del añu en venciendo na final del Abiertu d'Australia por 7-5, 6-3 a la serbia Ana Ivanović.[6] En 2012, llogra'l títulu de Roland Garros al vencer a la italiana Sara Errani por 6-3, 6-2 y llograr asina'l Grand Slam de Carrera, siendo xunto a Serena Williams les úniques xugadores n'activu que lu han consiguíu. Nel 2014, axudicóse'l so segundu títulu de Roland Garros, y el quintu Tornéu de Grand Slam de la so carrera; al vencer na definición a la rumana Simona Halep en trés sets por 6-4, 6-7, 6-4.
Sharapova ye considerada una de les meyores xugadores de la so dómina, consiguiendo'l Silver Slam ( los cuatro torneos de Grand Slam y una medaya de plata nos Xuegos Olímpicos) y siendo una de les más nueves en ganar el campeonatu de Wimbledon.
Maria Sharapova ye considerada un iconu del tenis y tamién asina de la moda, yá que modeló pa dellos diseñadores famosos y ye la cara d'importantes marques.
El 7 de marzu de 2016, anunció que dio positivu nun control antidopaxe pol consumu de meldonium.[7] Por esti casu, recibió una sanción de dos años per parte de la Federación Internacional de Tenis, nun comunicáu espublizáu'l 8 de xunu de 2016.[8] Sharapova anunció qu'apelaría la decisión.[9] Sharapova apeló la suspensión inicial de dos años impuesta pol Programa Antidopaxe de Tenis en xunetu, foi concedíu l'apelación y amenorgóse de dos años a 15 meses. Tornó a les canches el 26 d'abril de 2017 apostando'l tornéu de Stuttgart, onde llegaría a semifinales. Depués d'aquello pasó por delles mancadures que-y torgaron xugar dellos meses.[10] La so meyor actuación dende'l so regresu ver nel US Open 2017, onde, ensin ranking y con una WC, enfrentaría al númberu 2 del momentu Simona Halep nun partíu de gran nivel y ganaríalu por 6-4,4-6 y 6-3. Sharapova volvió llevantar un troféu depués del so regresu nel tornéu International de Tianjin, el que sería'l 36 de la so carrera profesional.