Ríu Obi
From Wikipedia, the free encyclopedia
El ríu Obi (rusu: Река Обь) ye un llargu ríu de la Rusia asiatica o Siberia que naz nel krai d'Altái y flúi en direiciones NON y N hasta desaguar nel golfu homónimu (mar de Kara, océanu Árticu). Tien un llargor de 3650 km, pero si considérase'l sistema Obi-Irtish, algama los 5410 km, que lo asitien como'l séptimu ríu más llargu del mundu, por detrás del Amazones, Nilu, Yangtsé, el Mississippi-Missouri, el Yeniséi-Angará y el ríu Mariellu.
Ríu Obi | |
---|---|
Situación | |
País | Rusia |
Óblasts | Tiumén (es) |
Distritos autónomos | Distritu autónomu de Janti-Mansi |
Tipu | ríu |
Coordenaes | 52°25′56″N 84°59′07″E |
Datos | |
Conca hidrográfica | cuenca hidrográfica del Obi (es) |
Superficie de la conca | 2 990 000 km² |
Llonxitú | 3650 km |
Caudal | 12 492 m³/s |
Nacimientu | Ríu Katun |
Desembocadura | Mar de Kara |
Afluentes |
ver
|
La so cuenca, d'aproximao 3 000 000 de km², estiéndese tamién pel territoriu de Kazakstán, Mongolia y China. Ye'l más occidental de los trés grandes cursos d'agua de Siberia. A semeyanza del Yeniséi y del Lena, el Obi, que naz nel macizu d'Altái y desagua nun estensu estuariu nel mar de Kara, cuerre en direición sur-norte y drena una gran rexón carauterizada fundamentalmente poles sos baxes altitúes.
El Obi y los sos principales tributarios, ufierten posibilidaes de navegación estacional, representando una vía de comunicación bien importante pa un espaciu con fuerte potencial de desenvolvimientu y, tamién, una exa de poblamientu apoderáu per delles grandes ciudaes como Novosibirsk, Ekaterimburgu y Omsk, grandes centros industriales. La cuenca del gran ríu, mientres les últimes décades, convirtióse nel principal llugar d'estracción d'hidrocarburos de la Federación Rusa. Estes actividaes humanes, fontes de riqueza y tamién de contaminación, amenacien medios naturales ricos y variaos, yá debilitaos pol recalentamientu climáticu.
Alministrativamente, escurre polos suxetos federales de la Federación de Rusia del krai d'Altái, óblast de Novosibirsk, óblast de Tomsk y los distritos autónomos de Janti-Mansi y Yamalo-Nenets.