Rexones económiques de Rusia
From Wikipedia, the free encyclopedia
Rusia sodivídese en doce rexones económiques (en rusu экономи́ческие райо́ны, ekonomicheskiye rayony, en singular ekonomichesky rayon), que son grupos de suxetos federales que comparten les siguientes característiques:
- Oxetivos sociales y económicos comunes, y participacióno en programes de desarrollu.
- Condiciones y potencial económicu asemeyaos.
- Condiciones climátiques, ecolóxiques ya xeolóxiques asemeyaes.
- Metodoloxíes asemeyaes d'inspección técnica de les construcciones nueves.
- Metodoloxía asemeyada de supervisión aduanera.
- Condiciones de vida de la población asemeyaes.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Dengún suxetu federal puede pertenecer a más d'una rexón económica. Estas, además, agrúpense en zones económiques;una rexón económica, o partes d'ella, pueden pertenecer a rexones económiques diferentes. L'establecimientu y l'abolición de les rexones económiques y les zones económiques ye competencia del gobiernu federal de Rusia. Hai que señalar que la división en rexones económiques ye distinta de la división en distritos federales: les primeres úsense namái con propósitos económicos y estadísticos, mentantu que los segundos son l'instrumentu pa facer cumplir les lleis federales nel territoriu del país.