Rivalidá Cristiano-Messi
From Wikipedia, the free encyclopedia
Numberosos medios de comunicación y aficionaos al fútbol consideren qu'esiste una rivalidá latente ente'l portugués Cristiano Ronaldo y l'arxentín Lionel Messi, principalmente por ser coetaneos y los sos similares rexistros y ésitos deportivos.[1][2] Ente dambos fueron proclamaos como los meyores xugadores del mundu en ventinueve causes, contabilizando'l Balón d'Oru de la revista France Football;[3] el premiu al Xugador Mundial de la FIFA, el premiu The Best FIFA,[4] el Premiu World Soccer[5][6] y el premiu Globe Soccer Awards.[7][8] Desque'l lusu foi proclamáu como tal en 2008 nengún otru xugador a parte d'ellos llogró tal distinción,[9][10] siendo reconocíos como los ameyores futbolistes de la so xeneración.[11]
Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
Ente los sos rexistros, destaquen dalgunos como haber consiguíu an otar en dalguna final de la Lliga de Campeones, el de consiguir anotar más de cincuenta goles regularmente nuna temporada, o'l d'anotar más de seiscientos goles a lo llargo de les sos carreres deportives.[12][13] Los periodistes deportivos frecuentemente analicen los méritos individuales de dambos xugadores nun intentu d'establecer quién creen ye'l meyor xugador del fútbol moderno,[14][1][15][16][17][18][19] y la so rivalidá ye comparada con otres como les esistentes ente Muhammad Ali y Joe Frazier nel boxéu, Roger Federer y Rafael Nadal nel tenis y la d'Ayrton Senna y Alain Prost na Fórmula 1.[20][21][22]
Les sos actuaciones, y n'especial la so competencia, ta tamién amestada a la de los sos respeutivos clubes. Messi y Cristiano representen a Futbol Club Barcelona y Real Madrid Club de Fútbol respeutivamente, na que ye una de les rivalidaes futbolístiques más fuertes; enfréntense siquier dos veces cada temporada en «el clásicu», alcuentros de los más siguíos a nivel mundial con millones d'espectadores.[23] Fora del terrén de xuegu son les imáxenes representatives —Messi con Adidas y Ronaldo con Nike—, patrocinadores opuestos de los sos respeutivos clubes, y tamién marques con oposición nel mercáu.[24][25] Son por ello dos de los deportistes meyor pagos del mundu, y tuvieron unos ingresos combinaos de salarios, bonificaciones y publicidá en 2016 superiores a los ochenta millones d'euros.[26][27] Amás son dos de los personaxes públicos cola mayor cantidá de simpatizantes en redes sociales con un combináu de 204 millones de siguidores a payares de 2016.[28]