Tártaros
From Wikipedia, the free encyclopedia
Los tártaros (en tártaru татарлар) ye un nome coleutivu que s'aplica a los pueblos túrquicos d'Europa Oriental y Siberia. El nome deriva de Ta-ta o Dada, una tribu mongol qu'habitaba'l noroeste de l'actual Mongolia nel sieglu V. Orixinariamente llamábase tártaros a los pueblos qu'apoderaron partes d'Asia y Europa sol lideralgu mongol nel sieglu XIII. L'usu d'esti nome estendióse dempués pa incluyir a casi cualquier invasor nómada d'orixe asiáticu, tantu de Mongolia como del occidente d'Asia. Antes de la década de 1920, los rusos usaben la pallabra Tatar pa designar a numberosos pueblos, dende los turcos azerbaixanos a les tribus de Siberia. Na actualidá, la mayor parte de los tártaros viven nel centru y el sur de Rusia (la mayoría en Tatarstan).
| |
Tipu | etnia |
---|---|
Población total | 6 421 500 |
Llingua | Tártaru y rusu |
Relixón | Sunismu y cristianismu ortodoxu |
Parte de | Llingües túrquiques noroccidentales, Llingües Kypchak-Bolgar y Pueblos túrquicos |
A finales del sieglu XX suponíen más de 10 millones. Una bona parte de los tártaros son musulmanes suníes pero tamién hai munchos tártaros cristianos ortodoxos. De fechu Tatarstan, y n'especial Kazán, alterna grandes mezquites con grandes ilesies ortodoxes. En Tatarstan el 51% de la población ye musulmana ente que'l restu correspuende na so mayoría a cristianos ortodoxos.
El dominiu rusu supunxo —en bona parte— la so asimilación y rusificación.
Un pasu importante pa restablecer el réxime estatal del pueblu tártaru foi la proclamación de l'autonomía en 1920. El 30 d'agostu de 1990 foi aprobada la Declaración de la soberanía estatal de la República de Tatarstan.
El nome de tártaros, dau a los invasores, estendióse darréu pa ser aplicáu a otros miembros de la mesma caña túrquico en Rusia, inclusive hasta'l puntu de que la mayoría de los habitantes del pandu d'Asia quedó definida sol nome xenéricu de Tartaria. Esti nome casi sumió de la lliteratura xeográfica, pero permanez el nome de tártaros nel sentíu llindáu al que s'alude más arriba.
Los actuales habitantes tártaros d'Eurasia formen trés grandes grupos:
- los de Crimea, en Crimea, Ucraína, Bulgaria, Rusia, Lituania, Polonia, Rumanía y Turquía.
- los d'El Cáucasu,
- y los de Siberia.
Por cuenta de la magnitú de les migraciones y amiestos ente distintos pueblos y la laxa usu del axetivu "tártaru", na actualidá cúntense como tártaros xentes que van dende l'aspeutu mongoloide nun estremu hasta'l caucasoide nel otru. Los tártaros orixinales de Mongolia paecíense más a los invasores mongoles d'Asia Central.