Ланка
мітычная краіна / From Wikipedia, the free encyclopedia
Ла́нка — назва астраўнога каралеўства легендарнага ашуранскага дэмана Раваны ў індуісцкіх эпасах «Рамаяне» і «Магабгараце». Каралеўская фартэцыя знаходзілася на плято паміж трыма горнымі вяршынямі, вядомымі як Трыкутныя горы. Паводле паданьня, Ланкапура была спаленая Гануманам. Пасьля забойства караля Раваны Рамам ягоную пасаду заняў каралеўскі брат Вібгішана, удзельнік змовы. Ягоныя нашчадкі кіравалі Ланкай у пэрыяд Пандаваў. Паводле «Магабгараты», адзін з Пандаваў, Сагадэва, завітваў у Ланку падчас вайсковай выправы на поўдзень дзеля ахвярапрынашэньня Юдгіштгіры.
Месцазнаходжаньне старажытнай Ланкі атаясамліваецца з Шры-Ланкай.