Горскі сельсавет (Краснапольскі раён)
адміністрацыйна-тэрытарыяльная адзінка ў Краснапольскім раёне Магілёўскай вобласці Беларусі / From Wikipedia, the free encyclopedia
Го́рскі сельсавет — адміністрацыйна-тэрытарыяльная адзінка ў складзе Краснапольскага раёна Магілёўскай вобласці Беларусі. Цэнтр — аграгарадок (да 2010 года вёска) Горы.
Горскі сельсавет | |
---|---|
Краіна | Беларусь |
Уваходзіць у | Краснапольскі раён |
Уключае | 16 населеных пунктаў |
Адміністрацыйны цэнтр | Горы |
Дата ўтварэння |
20 жніўня 1924, 11 красавіка 1960 |
Дата скасавання | 16 ліпеня 1954 |
Насельніцтва (2019) | 574 |
Часавы пояс | UTC+03:00 |
Код аўтам. нумароў | 6 |
Афіцыйны сайт |
Утвораны 20 жніўня 1924 года як Горскі (Гораўскі) сельсавет у складзе Краснапольскага раёна Калінінскай акругі БССР. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Краснапольскім раёне БССР. З 20 лютага 1938 года ў складзе Магілёўскай вобласці. 16 ліпеня 1954 года скасаваны, тэрыторыя ўвайшла ў склад новаўтворанага Касцягаўскага сельсавета[1].
11 красавіка 1960 года цэнтр Касцягаўскага сельсавета перанесены ў вёску Горы, Касцягаўскі сельсавет перайменаваны ў Горскі[2]. На 1 студзеня 1974 года ў складзе Горскага сельсавета было 36 населеных пунктаў[3].
Насельніцтва сельсавета паводле перапісу 2009 года — 783 чалавекі[4], з іх 91,3 % — беларусы, 7,0 % — рускія, 0,9 % — украінцы[5]; паводле перапісу 2019 года — 574 чалавекі[6].