Каменскі сельсавет (Мазырскі раён)
адміністрацыйна-тэрытарыяльная адзінка ў Мазырскім раёне Гомельскай вобласці Беларусі / From Wikipedia, the free encyclopedia
Ка́менскі сельсавет — адміністрацыйна-тэрытарыяльная адзінка ў складзе Мазырскага раёна Гомельскай вобласці. Цэнтр — аграгарадок (да 2011 г. вёска) Каменка.
Каменскі сельсавет | |
---|---|
Краіна | Беларусь |
Уваходзіць у | Мазырскі раён |
Уключае | 12 населеных пунктаў |
Адміністрацыйны цэнтр | Каменка |
Дата ўтварэння | 20 жніўня 1924 |
Насельніцтва (2019) | 1 942 |
Часавы пояс | UTC+03:00 |
Код аўтам. нумароў | 3 |
Утвораны 20 жніўня 1924 года як Бокаўскі (Вялікабокаўскі) сельсавет у складзе Мазырскага раёна Мазырскай акругі БССР. Цэнтр — вёска Вялікі Бокаў. З 5 кастрычніка 1926 года ў складзе Слабадскога раёна, з 4 жніўня 1927 года — у складзе Каралінскага раёна той жа акругі. Пасля скасавання акруговай сістэмы 26 ліпеня 1930 года ў Каралінскім раёне БССР, які 5 лютага 1931 года перайменаваны ў Ельскі. 1 красавіка 1931 года перайменаваны ў Каменкаўскі (Каменскі) сельсавет цэнтр сельсавета перанесены ў вёску Каменка. З 5 красавіка 1935 года ў складзе Мазырскага раёна, з 21 чэрвеня 1935 года — Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 26 лістапада 1959 года ў склад Слабадскога сельсавета перададзены 3 населеныя пункты (Рудня, Чарамашня і Шчакатава)[1]. 6 лютага 1964 года да сельсавета далучана тэрыторыя скасаванага Мялешкавіцкага сельсавета[2]. У 1964 годзе ў склад сельсавета з Міхалкаўскага сельсавета перададзены 4 населеныя пункты (Ляхаўцы, Малы Бокаў, Рудня і Стараселле)[3], якія 6 ліпеня 1970 года вернуты назад у склад Міхалкаўскага сельсавета[4]. 28 снежня 2005 года перайменаваны ў Каменскі сельсавет[5].
Насельніцтва сельсавета паводле перапісу 2009 года — 2203 чалавекі[6], з іх 93,9 % — беларусы, 4,1 % — рускія, 1,5 % — украінцы[7]; паводле перапісу 2019 года — 1942 чалавекі[8].