Краснадворскі сельсавет
адміністрацыйна-тэрытарыяльная адзінка ў Салігорскім раёне Мінскай вобласці Беларусі / From Wikipedia, the free encyclopedia
Краснадво́рскі сельсавет — адміністрацыйна-тэрытарыяльная адзінка ў складзе Салігорскага раёна Мінскай вобласці. Цэнтр — аграгарадок (да 2008 г. — вёска) Краснадворцы.
Краснадворскі сельсавет | |
---|---|
Краіна | Беларусь |
Уваходзіць у | Салігорскі раён |
Уключае | 13 населеных пунктаў |
Адміністрацыйны цэнтр | Краснадворцы |
Дата ўтварэння | 20 жніўня 1924 |
Насельніцтва (2019) | 2 651 |
Часавы пояс | UTC+03:00 |
Тэлефонны код | 174 |
Код аўтам. нумароў | 5 |
Утвораны 20 жніўня 1924 года як Краснадварэцкі (Краснадворскі) сельсавет у складзе Старобінскага раёна Слуцкай акругі БССР. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Старобінскім раёне БССР. З 1935 года ў Старобінскім раёне Слуцкай акругі. Пасля ўвядзення абласнога падзелу 20 лютага 1938 года ў Старобінскім раёне Мінскай вобласці. З 20 верасня 1944 года па 8 студзеня 1954 года ў складзе Бабруйскай вобласці. 11 кастрычніка 1961 года ў склад сельсавета з Чапялёўскага сельсавета перададзены вёскі Астроўкі, Балотчыцы і Касынічы[1]. З 25 снежня 1962 года — у складзе Любанскага раёна, з 6 студзеня 1965 года — у Салігорскім раёне. 30 кастрычніка 2009 года да сельсавета далучана частка скасаванага Чапялёўскага сельсавета з вёскамі Прусікі, Прусы, Чапялі[2].
Насельніцтва сельсавета паводле перапісу 2009 года (10 населеных пунктаў) — 2508 чалавек[3], з іх 94,1 % — беларусы, 4,5 % — рускія, 0,8 % — украінцы[4]; паводле перапісу 2019 года (13 населеных пунктаў) — 2651 чалавек[5].