Ī-sáik-liĕk Uòng-guók
From Wikipedia, the free encyclopedia
Ī-sáik-liĕk Uòng-guók (以色列王國) sê Ī-sáik-liĕk lĭk-sṳ̄ siông gì siŏh ciáh uòng-guók. Sèng 931 nièng, Sū-lò̤-muòng Uòng táung-kuàng ī-hâiu, Ī-sáik-liĕk hŭng-liĕk siàng lâng ciáh guók-gă. 12 ciĕ-puái diē-sié, báe̤k-buô gì 10 ciáh ciĕ-puái (Liù-biêng ciĕ-puái, Să̤-miêng ciĕ-puái, Ī-sák-giă ciĕ-puái, Să̤-buó-lùng ciĕ-puái, Dáng ciĕ-puái, Năk-dâi-lé ciĕ-puái, Giă-dáik ciĕ-puái, Ā-siék ciĕ-puái, Mā-nā-să̤ ciĕ-puái, Ī-huák-lèng ciĕ-puái) sìng-lĭk gì guók-gă hô̤ có̤ Ī-sáik-liĕk (以色列), siū-dŭ găk Sák-mā-lé-ā.
Gâe̤ng Nàng-guók Iù-dâi mâ̤ siŏh-iông, Báe̤k-guók Ī-sáik-liĕk (北國以色列) gâe̤ng Sák-mā-lé-ā-nè̤ng bók-câi siêu cŭng-gáu gì iók-sók. Áng Séng-gĭng gì gōng-huák, Báe̤k-guók Ī-sáik-liĕk siêu gáu Ià-huò-huà Siông-dá̤ gì sìng-huăk, găk sèng 722 nièng ké̤ṳk Ā-sŭk miĕk lâi.