Txikipedia:Abeltzaintza estentsiboa
From Wikipedia, the free encyclopedia
Abeltzaintza estentsiboa, ganadua larreetan, zelaietan eta antzekoetan elikatzen duen abeltzaintza mota da. Eredu honen kontrakoari abeltzaintza intentsiboa deitzen zaio. Larre edo zelai horiek ganaduaren jabearenak izan daitezke, edo beste jabe partikular batenak, edo komunalak.
Abeltzaintza mota honetan, animaliak bizi-baldintza naturaletan bizi dira, eta, horri esker, osasuntsu eta emankor mantentzen dira eta botika eta albaitaritza-arreta gutxi behar dute. Abeltzaintza mota honetan, aberea gizakiak aldarazitako ekosistemaren parte da, eta janari naturala edo artifiziala hartzen du (ukuiluan edo bordan). Abeltzaintza estentsiboak naturaren zikloei jarraitzen die eta, era berean, hurrengo belaunaldiei sistema honen elementuak helarazi nahi dizkio, jaso zirenean bezain ongi edo hobeki.