Txikipedia:Kanariak
From Wikipedia, the free encyclopedia
Kanariak edo Kanaria uharteak Ozeano Atlantikoko uhartedi (uharte-multzo) bat da, Afrikako ipar-mendebaldean kokatuta dagoena, Maroko hegoaldeko kostaldetik gertu, hain zuzen ere. Kanariak Espainiaren parte dira eta beraz, Espainiako hamazazpi autonomia erkidegoetako bat eta Europar Batasuneko eskualde ultraperiferikoetako bat osatzen dute, hau da, kontinenteko lurraldeetatik urrundua.
π¨βπ¨βπ¦βπ¦ Biztanleak 2.172.944 |
π Azalera 7.447 kmΒ² |
ποΈ Hiriburua Santa Cruz Tenerifekoa |
π· Argazkiak ikusi |
πΊοΈ |
Uhartedia zortzi uharte nagusik eta biztanlerik gabeko beste uhartetxo batzuek osatzen dute. Uharte nagusiak honako hauek dira:
- Santa Cruz Tenerifekoa probintzia osatzen dutenak: Hierro, Gomera, La Palma eta Tenerife.
- Las palmasko probintzia osatzen dutenak: Fuerteventura, Kanaria Handia, Lanzarote eta Graciosa.
Autonomia erkidegoak bi hiriburu ditu; Las Palmas Kanaria Handikoa eta Santa Cruz Tenerifekoa. Hiririk handiena, ordea, Las Palmas da.
Kanaria uharteak jatorri bolkanikokoak dira. Norbaitek uharte horietan pentsatu eta burura etortzen zaion lehen irudia Teide da, Tenerifen dagoen 3.700 metroko sumendia, partzialki itzalita dagoena.