Abdij fan Westminster
From Wikipedia, the free encyclopedia
De Abdij fan Westminster (Ingelsk: Westminster Abbey), en offisjeel de Kollegiale Tsjerke fan Sint-Petrus (Ingelsk: Collegiate Church of St Peter) is it nasjonale tsjerkegebou fan Ingelân. Sûnt de kroaning fan Willem de Oermasterder yn 1066 binne alle Ingelske en Britske foarsten yn 'e abdijtsjerke kroand. Ek wurde dêr tradisjoneel de begraffenissen fan leden fan it Britske keningshûs holden en wurde der houliken sletten fan 'e keninklike famylje. Njonken de funksje fan nasjonale tsjerke stiet de Abdij fan Westminster fol mei grêven en monuminten foar minsken, dy't in wichtige rol spile hawwe yn 'e Britske skiednis. Meiïnoar fûnen likernôch 3.300 minsken dêr harren lêste rêstplak. Dêrtroch hat de tsjerke, ferwizend nei de Noardske mytology de bynamme krigen fan it "Britske Walhalla".
Abdij fan Westminster | ||
Lokaasje | ||
lân | Ingelân | |
plak | Londen, SW1P 3PA | |
adres | 20 Deans Yd, Westminster | |
koördinaten | 51° 29' N 0° 7' W | |
Tsjerklike gegevens | ||
tsjerkegenoatskip | Tsjerke fan Ingelân | |
patroanhillige | Sint-Piter | |
status | Kollegiale tsjerke | |
Arsjitektuer | ||
boujier | Sûnt 1065 | |
boustyl | gotyk | |
monumintale status | Wrâlderfgoed Unesco | |
Webside | ||
www.westminster-abbey.org | ||
Kaart | ||
De goatyske tsjerke waard yn 1987 mei it Paleis fan Westminster (Westminster Palace) en de Margarethatsjerke ynskreaun op 'e wrâlderfgoedlist fan UNESCO.