Death Wish (film út 1974)
film út 1974 fan Michael Winner / From Wikipedia, the free encyclopedia
Death Wish is in Amerikaanske aksje-, misdie- en dramafilm út 1974 ûnder rezjy fan Michael Winner, mei yn 'e haadrollen Charles Bronson en Vincent Gardenia. De film is basearre op 'e roman mei deselde namme fan Brian Garfield. De titel betsjut "Deadswinsk". It ferhaal giet oer Paul Kersey, in arsjitekt dy't as figilante kriminelen begjint om te bringen nei't syn frou fermoarde en syn dochter ferkrêfte is by in oerfal by him thús. Death Wish krige mingde resinsjes fan 'e filmkritisy, dy't har der benammen oan steurden dat de roman dêr't de film op basearre wie, figilantisme ôfwiisde, wylst de film it krekt omearme. Nettsjinsteande dat wie de film in kommersjeel súkses yn 'e bioskopen, om't er in gefoelige snaar rekke by it publyk yn in tiid dat de kriminaliteit yn grutte Amerikaanske stêden almar tanaam. Acht jier letter waard in (minder wurdearre) ferfolchfilm makke, Death Wish II, en úteinlik soene der yn totaal fiif films makke wurde yn 'e Death Wish-filmrige. Yn 2018 waard fan 'e oarspronklike film in remake makke, dy't ek Death Wish hiet, mei Bruce Willis yn 'e haadrol.
Death Wish | ||
film | ||
(Filmposter yn 'e Ingelske Wikipedy) | ||
makkers | ||
regisseur | Michael Winner | |
produsint | Dino De Laurentiis Hal Landers Bobby Roberts | |
senario | Wendell Mayes Gerald Wilson | |
basearre op | de roman fan Brian Garfield | |
kamerarezjy | Arthur J. Ornitz | |
muzyk | Herbie Hancock | |
filmstudio | Dino De Laurentiis Cinematografica | |
distribúsje | Paramount Pictures (Fer. Steaten) Columbia Pictures (ynternasj.) | |
spilers | ||
haadrollen | Charles Bronson Vincent Gardenia | |
byrollen | Kathleen Tolan Steven Keats Stuart Margolin Hope Lange | |
skaaimerken | ||
lân/lannen | Feriene Steaten | |
premiêre | 24 july 1974 | |
foarm | langspylfilm | |
sjenre | aksje-misdie-dramafilm | |
taal | Ingelsk | |
spyltiid | 94 minuten | |
budget en resultaten | ||
budget | $3,7 miljoen | |
opbringst | $22 miljoen | |
filmsearje | ||
filmsearje | Death Wish | |
● folgjend diel | Death Wish II |