Nuete kalkoen
From Wikipedia, the free encyclopedia
De nuete kalkoen of hûskalkoen (wittenskiplike namme: Meleagris gallopavo domesticus) is de domestisearre ûndersoarte fan 'e kalkoen (Meleagris gallopavo). Dit bist waard teminsten twatûzen jier lyn en miskien noch wol earder nuet makke troch de Yndiaanske beskavings fan Meso-Amearika, en mooglik letter nochris yn 'e súdwestlike kontreien fan wat no de Feriene Steaten binne. Alle hjoeddeistige nuete kalkoenerassen stamje lykwols ôf fan 'e kalkoenen dy't domestisearre waarden yn sintraal Meksiko en dêrwei troch de Spanjerts fan 'e sechstjinde iuw ôf yn Jeropa yntrodusearre waarden. De nuete kalkoen is tsjintwurdich nei de hin ien fan 'e populêrste soarten plomfee, om't it libbensûnderhâld fan 'e fûgel goedkeap is yn ferhâlding ta de hoemannichte fleis dy't er leveret.
nuete kalkoen | ||||||||||||||
---|---|---|---|---|---|---|---|---|---|---|---|---|---|---|
taksonomy | ||||||||||||||
| ||||||||||||||
ûndersoarte | ||||||||||||||
Meleagris gallopavo domesticus | ||||||||||||||
Linnaeus, 1758 | ||||||||||||||
IUCN-status: n.f.t. (domestisearre bist) | ||||||||||||||