Suicide Squad (film út 2016)
From Wikipedia, the free encyclopedia
Suicide Squad is in Amerikaanske superheldefilm, aksjekomeedzje en swarte komeedzje út 2016 ûnder rezjy fan David Ayer, mei yn 'e haadrollen Will Smith, Margot Robbie en Cara Delevingne. De titel betsjut "Selsmoardienheid". It is de trêde film út 'e filmsearje fan it DC Extended Universe, dy't basearre is op 'e strips fan útjouwerij DC Comics. It ferhaal giet oer in stikmannich supersmjunten dy't ûnder twang troch de Amerikaanske oerheid rekrutearre wurde út finzenissen dêr't se lange selstraffen útsitte, om as team ynset te wurden tsjin boppenatuerlike bedrigings fan it lân. Suicide Squad krige fan 'e filmkritisy oer it algemien negative resinsjes, mar woeks yn 'e bioskopen út ta in reuseftich kommersjeel súkses. De film wûn yn 2017 de Oscar foar bêste fisazjy en hierstilearring. Yn 2020 kaam de spin-off-film Birds of Prey (mei Margot Robbie) út, en yn 2021 ferskynde de ferfolchfilm The Suicide Squad.
Suicide Squad | ||
film | ||
(Filmposter yn 'e Ingelske Wikipedy) | ||
makkers | ||
regisseur | David Ayer | |
produsint | Charles Roven Richard Suckle Zack Snyder Deborah Snyder | |
senario | David Ayer | |
basearre op | Suicide Squad fan DC Comics | |
kamerarezjy | Roman Vasyanov | |
muzyk | Steven Price | |
filmstudio | Warner Bros. RatPac-Dune Entertainment DC Films Atlas Entertainment | |
distribúsje | Warner Bros. | |
spilers | ||
haadrollen | Will Smith Margot Robbie Cara Delevingne | |
byrollen | Viola Davis Jai Courtney Jay Hernandez Adwale Akinnuoye-Agbaje Joel Kinnaman Karen Fukuhara Jared Leto | |
skaaimerken | ||
lân/lannen | Feriene Steaten | |
premiêre | 1 augustus 2016 | |
foarm | langspylfilm | |
sjenre | superheldefilm | |
taal | Ingelsk (ek in bytsje Japansk) | |
spyltiid | 123 minuten | |
budget en resultaten | ||
budget | $175 miljoen | |
opbringst | $746,8 miljoen | |
prizen | 1 × Oscar | |
filmsearje | ||
filmsearje | Suicide Squad | |
● folgjend diel | The Suicide Squad |