Galar de bharr ionfhabhtú le prótasón seadánach ar leith, a fhaightear trí uisce nó bia atá truaillithe le faecas le cisteanna ionfhabhtaithe ann a ionghabháil. Nuair a shroicheann na cisteanna an phutóg, gorann siad chun orgánaigh fhásta a fhuascailt. Greannaíonn siad seo an líneáil ar bhalla na putóige, agus bíonn buinneach dhian fhuilteach ag duine. Ionsaíonn siad an líneáil agus treánn isteach in imshruthú na fola chun taisteal ar fud na colainne le cisteanna a dhéanamh san ae, na scamhóga is an inchinn.[1]