Área
superficie dentro dunha figura / From Wikipedia, the free encyclopedia
Área[1] é a extensión ou superficie comprendida dentro dunha figura (de dúas dimensións), expresada en unidades de medida denominadas superficiais. Para superficies planas o concepto é intuitivo. Calquera superficie plana de lados rectos pode triangularse e pódese calcular a súa área como suma de triángulos.
Para a unidade de superficie véxase: Área (unidade de superficie).
Con todo, para calcular a área de superficies curvas requírese introducir métodos de xeometría diferencial.
Para poder definir a área dunha superficie en xeral, que é un concepto métrico, tense que definir un tensor métrico sobre a superficie en cuestión: cando a superficie está dentro dun espazo euclídeo, a superficie herda unha estrutura métrica natural inducida pola métrica euclídea.