![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d5/Regions_and_Prefectures_of_Japan_%2528gl%2529.svg/langgl-640px-Regions_and_Prefectures_of_Japan_%2528gl%2529.svg.png&w=640&q=50)
Prefecturas do Xapón
From Wikipedia, the free encyclopedia
O Xapón está subdividido en 47 prefecturas (de catro tipos: 都, to; 道, dō; 府, fu ou 県; ken, de aí o nome xenérico xaponés 都道府県 todōfuken). Toquio é a única metrópole ("to"), Hokkaido é un territorio ("dō"), ambas Kyoto e mais Osaca son prefecturas urbanas ("fu"), e o resto son "ken", prefecturas rurais.
![](http://upload.wikimedia.org/wikipedia/commons/thumb/d/d5/Regions_and_Prefectures_of_Japan_%28gl%29.svg/640px-Regions_and_Prefectures_of_Japan_%28gl%29.svg.png)
![]() |
Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros. |
Esta división foi establecida polo goberno Meiji en 1871 no que se denomina a abolición do sistema Han. Aínda que inicialmente foron creadas unhas 300 prefecturas, este número foi diminuíndo ata un total de 47 no ano 1888. A Lei do Goberno Local de 1947 outorgou máis poder político ás prefecturas, provéndoas da capacidade de escoller gobernadores mediante eleccións locais.
Segundo a Lei antes mencionada cada prefectura subdivídese en cidades (市 shi), vilas (町 chō), e distritos rurais (郡 gun). Algunhas prefecturas teñen máis delegacións (支庁 shichō) que levan a cabo funcións administrativas da prefectura fóra da capital. En Hokkaido, estas delegacións chámanse subprefecturas.