Tempada 2015-16 do Campionato suízo de hóckey a patíns
From Wikipedia, the free encyclopedia
A tempada 2015-16 da NLA foi a 95ª edición do Campionato suízo de hóckey a patíns. A competición comezou o día 9 de setembro de 2015 e a liga regular finalizou o 2 de abril de 2016 co RHC Diessbach á cabeza da competición. Os play-offs comezaron o 9 de abril de 2016 e finalizaron o 28 de maio de 2016 coa disputa da final.
Ao finalizar a tempada o RHC Diessbach alzou o seu segundo título de liga logo do conquistado na tempada 2012-13, mentres que o RHC Vordemwald descendeu á segunda categoría, a LNB, logo de finalizar na derradeira posición da clasificación e perder no play-out fronte ao RHC Wimmis. Pola súa banda Kissling Pascal (Diessbach) converteuse no máximo goleador da competición tras anotar un total de 42 goles (27 na liga regular e 15 nos play-offs).