XXXVIII edición dos Premios Goya
From Wikipedia, the free encyclopedia
A 38 edición dos Premios Goya, entregados pola Academia das Artes e das Ciencias Cinematográficas de España, recoñeceu o mellor do cine español en 2023 e tivo lugar na Feiria de Valladolid o 10 de febreiro de 2024.[1] Os nomeamentos aos diferentes premios foron anunciados o 30 de novembro de 2023 por LuÍs Tosar e Anna Castillo[2] como parte do programa matutino Mañaneros de La 1, sendo a primeira vez que se facía dese xeito e non na Academia de Cine.[3] Entre as películas nomeadas, destacou 20.000 especies de abejas con quince, seguida de La sociedad de la nieve con trece e Cerrar los ojos e Saben aquell con once.[2]
Con posterioridade á gala, La sociedad de la nieve converteuse na gran vencedora ao conseguir 12 premios, o que a convertía na terceira película máis premiada da historia dos Goya, tan só por detrás de ¡Ay, Carmela! con 13 estatuas e Mar adentro, que levara 14.[4]
A seguinte edición, en 2025, realizarase en Granada.[5]