Neil Armstrong
Amerikano nga astronauta; immuna a tao a nagdappat idiay bulan / From Wikipedia, the free encyclopedia
Ni Neil Alden Armstrong (Agosto 5, 1930 ā Agosto 25, 2012) ket maysa idi nga Amerikano nga astronauta ken ti immuna a tao a nagdappat idiay Bulan. Isu ket maysa pay nga aeroespasial nga inheniero, abiador ti marina, agsubsubok a piloto, ken propesor ti unibersidad. Sakbay a nagbalin nga astronauta, ni Armstrong ket maysa idi nga opisial iti Marina ti Estados Unidos ken nagserbi idiay Koreano a Gubat. Kalpasan ti gubat, isu ket nagun-odna ti basilerato a degrado idiay Unibersidad ti Purdue ken nagserbi a kas maysa nga agsubsubok a piloto idiay Estasion ti Napardas Unay a Panagpatayab ti Komite ti Nailian nga Agbalbalakad para iti Aeronautika, a tattan ket naamammoan a kas ti Dryden a Sentro ti Panagsukimat ti Panagpatayab, nga idiay ket nakarehistro kadagiti sumurok a 900 a panagpatpatayab. Kalpasan daytoy isu ket nagturpos pay kadagiti panagad-adalna idiay Unibersidad ti Akin-abagatan a California.
Neil Armstrong | |
---|---|
Astronauta ti NASA | |
Nagnagan | Neil Alden Armstrong |
Pakipagilian | Estados Unidos |
Kasasaad | Pimmusay |
Naipasngay | (1930-08-05)Agosto 5, 1930 Wapakoneta, Ohio, E.U. |
Pimmusay | Agosto 25, 2012(2012-08-25) (tawen 82) Cincinnati, Ohio, E.U. |
Dati a trabaho | Nanal nga abiador, agsubsubok a piloto |
Kabayag iti limbang | 8 alaldaw, 14 oras, 12 minutos, ken 30 segundo |
Panakapili | 1958 APEU nga Tao nga Immuna a Napan ti Limbang 1960 APEU Dyna-Soar 1962 NASA Grupo 2 |
Dagiti dagup nga EVA | 1 |
Dagup a kabayag ti EVA | 2 oras 31 minutos |
Dagiti mision | Gemini 8, Apollo 11 |
Kayarigan ti mision | |
Dagiti gungguna | Presidensial a Medalia ti Wayawaya Medalia ti Pammadayaw |