ಹಾಟ್ ಡಾಗ್
From Wikipedia, the free encyclopedia
ಹಾಟ್ ಡಾಗ್[1][2] ಜಾಲರಿ ಮೇಲೆ ಸುಟ್ಟ ಅಥವಾ ಆವಿಯಲ್ಲಿ ಬೇಯಿಸಿದ ಆಹಾರವಾಗಿದ್ದು ಇದರಲ್ಲಿ ಸಾಸೇಜ್ನ್ನು ಭಾಗಶಃ ಸೀಳಿದ ಬನ್ನ ಸೀಳಿನಲ್ಲಿ ಇಟ್ಟು ಬಡಿಸಲಾಗುತ್ತದೆ.[3] ಈ ಹೆಸರು ಸ್ವತಃ ಸಾಸೇಜ್ನ್ನು ಕೂಡ ಸೂಚಿಸಬಹುದು. ಬಳಸಲಾದ ಸಾಸೇಜ್ ವೀನರ್ ಅಥವಾ ಫ಼್ರ್ಯಾಂಕ್ಫ಼ರ್ಟರ್ ಆಗಿರುತ್ತದೆ. ಹಾಟ್ ಡಾಗ್ನ ತಯಾರಿಕೆ ಮತ್ತು ವ್ಯಂಜನಗಳು ವಿಶ್ವಾದ್ಯಂತ ಬದಲಾಗುತ್ತವೆ. ಸಾಮಾನ್ಯವಾದ ವ್ಯಂಜನಗಳಲ್ಲಿ ಮಸ್ಟರ್ಡ್, ಕೆಚಪ್, ಮೇಯೊನೇಸ್, ರೋಚಕ ಮತ್ತು ಚೀಸ್ ಸಾಸ್ ಸೇರಿವೆ. ಸಾಮಾನ್ಯವಾದ ಅಲಂಕರಣಗಳಲ್ಲಿ ಈರುಳ್ಳಿ, ಸಾರ್ಕ್ರೌಟ್, ಹ್ಯಾಲಪೀನೊಗಳು, ಮೆಣಸಿನಕಾಯಿ, ತುರಿದ ಗಿಣ್ಣು, ಕೋಲ್ಸ್ಲಾ, ಬೇಕನ್ ಮತ್ತು ಆಲಿವ್ಗಳು ಸೇರಿವೆ.
ಈ ಬಗೆಯ ಸಾಸೇಜ್ಗಳು ಮತ್ತು ಅವುಗಳ ಸ್ಯಾಂಡ್ವಿಚ್ಗಳನ್ನು ಜರ್ಮನಿಯಿಂದ ಸಾಂಸ್ಕೃತಿಕವಾಗಿ ಆಮದು ಮಾಡಿಕೊಳ್ಳಲಾಯಿತು ಮತ್ತು ಅಮೇರಿಕದಲ್ಲಿ ಜನಪ್ರಿಯವಾದವು. ಇದು ಹೊರಾಂಗಣದ ಅಂಗಡಿಗಳು ಮತ್ತು ಬಂಡಿಗಳಲ್ಲಿ ಮಾರಾಟವಾಗತೊಡಗಿದ ಕಾರ್ಮಿಕ ವರ್ಗದ ಬೀದಿ ಆಹಾರವಾಯಿತು. ಹಾಟ್ ಡಾಗ್ ಬೇಸ್ಬಾಲ್ ಮತ್ತು ಅಮೇರಿಕದ ಸಂಸ್ಕೃತಿಯೊಂದಿಗೆ ನಿಕಟವಾಗಿ ಸಂಬಂಧಿತವಾಯಿತು.